Ambulant vendors sa Bacolod-Negros Econ Highway, padayon nga nagabaligya

Padayon sa gihapon ang pagbaligya sang mga ambulant vendors sa Bacolod-Negros Occidental Economic Highway.

Sa interview sang Bombo Radyo kay Engr Jeffrey Perez, Bag-ong dalan Cabug Alliance of Small Entrepeneurs President, kun mahimo na nga ma-inagurahan ang Bacolod-Negros Occidental Economic Highway willing man sila maghalin sa area.

Ang highway ang wala pa na inagurahan apang may yara na sang nagabyahe kag nagalabay diri.

Suno diri, naka-negosyar na si Councilor Vladimir Gonzales, chairperson sang Committee on Trade, Commerce and Industry sa tag-iya sang pribado nga duta nga kun mahimo makarenta ang mga vendors sa isa tubtob duha ka ektarya.

Apang, tubtob sa karun wala pa sang update diri kag wala pa mismo si Perez nakahinon-anon sa tag-iya.