America, nagpasalig sa pagbulig sa fuel needs sang Pilipinas

Ginpahayag ni Department of Foreign Affairs (DFA) Secretary Ma. Theresa Lazaro nga nagapakig-angot ang Amerika sa Pilipinas agud magbulig sa fuel needs sang pungsod.

Ini ang kasunod sang deklarasyon sang State of National Energy Emergency bangud sa krisis sa langis tuga sang tensyon sa tunga sang Amerika, Israel kag Iran, nga nagresulta sang pagsaka sang presyo kag pagkadelay sang suplay.

Suno kay Lazaro, dako nga bulig ang U.S. sa paghatag sang alternatibo nga makuhaan sang enerhiya.

Nauna na nga ginpahayag ni Lazaro nga nagapangita na sang iban pa nga makuhaan sang langis ang pungsod, nalakip na ang pag-import sang krudo gikan sa Russia.