Nagdaog ang isa ka anay janitor nga si Marvin Alob sa bodybuilding competition nga ginpatigayon sa Tawo-Tawo Festival sa Bayawan City, Negros Oriental.
Sa interview sang Bombo Radyo kay Coach Marvin Alob, nagdaog ini sa Men’s Physique Open bilang Champion, Men’s Classic Physique Open 2nd Place kag Bodybuilding Open 3rd Place.
Suno diri, mauntat na ini kuntani sa bodybuilding competition apang bangod may outreach program ini kaupod ang iya asawa, nagdesisyon si Alob nga mag-intra sa competition para makakwarta.
Ini sa karun ang una nga competition sini para sa karun nga tuig.
Sa karun mapahuway anay ini sang duha ka bulan para magpreparar naman sa competition sa Manila.
May yara man si Alob sang iya kaugalingon nga schedule sa pag-exercise kaangay na lamang sang legs day exercise, arms day exercise, shoulder, back kag chest kag ang Sunday amo ang iya rest day.
Pahayag sini indi basta-basta nga mangin body builder bangod may yara sang strikto kag nagkalain-lain nga proseso.
Dugang pa sini, dako ang nangin bulig sang body building sa iya lifestyle, sa pamilya kag sa iban nga mga tawo nga nabuligan sini.
