Nakabaton sang $1.4 million ukon masobra P80.2 million ang isa ka Japanese former boxer nga napriso sa sulod sang 46 ka tuig bangud sa sala nga akusasyon.
Ginkilala bilang world’s longest-serving death row inmate nga si Iwao Hakamada kag ginhatagan sang P5,000 kada adlaw bilang kabayaran sa masobra apat niya ka dekada nga pagpabilin sa prisuhan.
Madumduman nga ang 89 anyos nga anay boxer ang ginpamatbatan nga guilty sa kaso nga murder sa iya executive, asawa kag duha ka mga kabataan nga lunsay ginbuno-patay sang Hunyo 30, 1966.
Gin-grant ini sang retrial kag immediate release sang Marso 2014.
Gin-acquit siya sang korte sang 2014 matapos nga nakita nga ginpeke sang mga pulis ang mga ebidensya.
Una na nga ginpanginwala ni Hakamada nga gin-murder niya ang mga biktima apang sang ulihi, ginbuyagyag sini nga napilitan ini nga akuon ang krimen bangud sa pagpamahog kag pagpanakit sang mga pulis nga nagauyat sang iya nga kaso.
