BACOLOD CITY – Ginserbe na sang Department of Interior and Local Government (DILG) ang desisyon sang Office of the Ombudsman batok kay anay Bacolod City Mayor Monico Puentevella kag bata sini nga iya man anay executive assistant nga si Rocky Puentevella may kaangtanan sa indi otorisado nga pagbaligya sang “ukay-ukay” sa public plaza sang tuig 2014.
Sa madumduman nga tinalikdan nga bulan sang Enero naguwa ang desisyon sang Omdusman nga guilty sa simple neglect of duty ang anay alkalde kag gindagdagan sang penalidad nga 3 ka bulan kag isa ka adlaw nga suspension nga wala sang sweldo.
Samtang, ang bata naman sini ang nakit-an nga administratively guilty of grace misconduct kag ginpinahan sang dismissal from service with all accessory penalties.
Apang bangud wala na serbisyo ang mga natungdan, ang amay nga Puentevella ang gin manduan na lamang nga magbayad sang balor nga katumbas sang iya 3 ka bulan kag isa ka adlaw nga si sweldo samtang si Rocky naman ang maga bayad sang katumbas sang iya isa ka tuig nga sweldo.
Mahimo nga bayaran sang mga Puentevella ang multa sa Office of the Ombudsman ukon mahimo ini nga ibuhin sa ila nga retirement benefits accrued leave credits ukon gikan sa anuman nga receivable sa ila nga talatapan.
Ginserbe mismo ni DILG-Bacolod Officer-in charge Carmelo Orbista ang desisyon sang Ombudsman nga nag-ugat sa kaso nga gin pasaka ni anay Bacolod City Councilor Carl Lopez.
