Wala pa nakasabat ang anay officer in charge kag lima ka disbursing officer sang Mambukal Resort and Wildlife Sanctuary sa gindagdag nga show cause order ni Negros Occidental Governor Eugenio Jose “Bong” Lacson may kaangtanan sa kulang nga liquidation sang income tinalikdan nga tuig.
Ini kasunod sang nakita nga lapses sa inisyal nga financial record nga nabatun sang Provincial Treasurers’ Office kun sa diin ang income sa catering service sang Mambukal ang yara lamang sa P30 million, apang ang cut disbursement ang nagdangat sa P33 million.
Gin-athag ni Governor Lacson nga wala ang nagalapta nga impormasyon nga masobra P30 million ang nakita nga kakulangan, sa baylo yara lamang sa P3 million.
Nagapati ang gobernador nga mahimo may ara lamang sang kakulangan sa nasumiter nga datos gani nagkulang ang liquidation.
Paathag sini nga ang show cause order ang kaangay lamang sang pahanumdom, nga may-ara pa sang obligasyon nga mahimo wala lamang na hatagan sang atensyon bangod sa kasakuon sa mga trabaho.
Suno diri, ang liquidation ang may deadline nga naglapse na sa 1st quarter sang 2024, kag tanan nga mga may cash advancement ang may responsibilidad man nga magsumiter sang liquidation.
