BACOLOD CITY – Patay ang isa ka Punong Barangay samtang pilason ang duha ka mga upod sini sang gin paarakan sang luthang sa Brgy. Tinayunan ciudad sang Guihulngan, Negros Oriental kahapon.
Nahibaluan nga nagapangape ang biktima nga si Leodegario Beñero Jr., 40-anyos sang Brgy. Hinakpan, Guihulngan City upod sanday Alan De Asis, 43-anyos kag Angelito Villarmente, 49-anyos sang sila ang gin luthang sang wala nakilal-an nga mga suspetsado.
Gilayon nga napatay ang Punong Barangay kag pilason ang duha niya ka upod kun sa diin si De Asis ang gindala sa Corazon Locsin Montelibano Memorial Regional Hospital.
Santo sa imbestigasyon sang kapulisan, posible nga problema sa duta ang motibo sa krimen.
Apang wala man sang pamahog nga nabaton ang kapitan antes ang pag pang luthang.
Narekober sa crime scene ang anom ka mga fired cartridges sang cal. 45.
Ginpahayag naman ni De Asis nga ila nabatian ang mga suspetsado nga naghambal nga maghapa lang ang wala labot kag sila ang gin paarakan sang luthang.
