HUNAN PROVINCE, CHINA – Narecover sang mga rescuers ang anom ka mga survivors gikan sa nagcollapse nga building sa central China kahapon, makaligad sang duha ka adlaw nga search and rescue operation sa pagpangita sang dinosena nga mga empleyado nga missing nagapabilin nga missing.
Ang building sa Changsha City, Hunan Province, nga ginahamtangan sang mga hotels, apartments kag cinema, ang ginali nalang nga nag-usmod sang Biyernes sang hapon, kag nagbilin sang dako nga buho sa dalan.
Ginpahayag sang mga City officials sang Sabado nga lima ka mga survivors ang napull-out pagwa sa structure, gani 18 nalang ang nabilin nga nakatrap.
Apang may 39 pa nga tubtob sa karun indi macontact kasunod sang insidente.
Matapos ang 50 ka oras nga rescue effort, isa ka babayi nga amo ang ikaanom nga survivor ang nahunos gikan sa narumpag nga establishimento kahapon.
Ginpahayag sang Changsa police nga siyam ka mga persona, kalakip na ang tag-iya sang building kag team sang safety inspectors, ang ginpriso kahapon maykaangtanan sa insidente.
Gina-alegar nga ginpeke sang mga surveyors ang safety audit sang building.
Sa karun wala pa mapagwa sang otoridad kun ano ang mahimo nga gintunaan sang disaster.
Una na nga nagpasalig si Changsha Mayor Zheng Jianxin nga himuon sini ang tanan sa pagpangita sa mga persona nga nakatrap tubtob sa karun.
