Nagrecord sang anum ka mga tawo nga napatay samtang na-delay ang pila ka mga flights sa dako nga bahin sang Europa bangud sa pag-ulan sang madamol nga snow.
Lima ang napatay gikan sa magkatuhay nga bahin sang France matapos nga maaksidente bangud sa madanlog nga dalan tuga sang snow kasubong man sa Bosnia nga isa ka babayi ang napatay bangud sa nagcollapse nga madamol nga snow.
Pila ka libo nga mga pasahero ang nastranded sa mga airports sang Paris kag Amsterdamn.
Ginalauman nga mapadayon ang delay sang mga flights tubtob sa pila ka adlaw bangud sa pag-ulan sang snow.
Nagpaandam man ang weather service sang France nga mahimo ipaidalom sa orange alert ang 38 nga distrito bangud sa snow.
Nagdangat naman sa masobra 400 ka mga flights ang nadelay sa Amsterdam kag pila ka bahin sang Europa.
