Nagpatuman sang sanctions ang administrasyon ni US President Donald Trump sa apat ka mga judges sa International Criminal Court (ICC), sa wala ginalauman nga retaliation natuhoy sa issuance sang tribunal sang isa ka arrest warrant para kay Israeli Prime Minister Benjamin Netanyahu kag isa ka past decision nga bukas ang isa ka kaso natuhoy sa ginaalegar war crimes sang U.S. troops sa Afghanistan.
Gindesignate sang Washington si Sonny Balungi Bossa sang Uganda, Luz del Carmen Ibanez Carranza sang Peru, Reine Adelaide Sophie Alapini Gansou sang Benin and Beti Hohler sang Slovenia, suno sa isa ka statement nagikan kay U.S. Secretary of State Marco Rubio.
Nalakip si Alapini Gansou sa mga judges nga naga-uyat sang kaso batok kay former President Duterte, nga nagapangatubang sa karun sang crimes against humanity bangud sa war on drugs sang iya administrasyon.
Siya ang nalakip man sa duha ka mga judges nga ginhingyo sang kampo ni Duterte nga madisqualify sa pag-uyat sang kaso.
Samtang, ginkondenar naman sang ICC ang nasambit nga tikang kag ginpahayag nga ini ang isa ka attempt agud ma-undermine ang independence sang isa ka international judicial institution nga nagahatag sang paglaom kag hustisya sa minilyon nga mga biktima sang “unimaginable atrocities.”
