Malipayon nga ginpakigbahin sang aktres nga si Arlene Muhlach nga naggraduate ini sa kolehiyo sa edad nga 55.
Sa social media account sang aktres ang nagpost ini sang mga laragway nga kuha nagikan sa iya nga paggraduate sa kolehiyo.
Ginpatigayon ang graduation rites sa Philippine International Convention Center (PICC) kag siya ang naggraduate sa degree nga Bachelor of Arts in Communication gikan sa Philippine Women’s University.
Ginpahayag sini nga nag-untat siya sa 3rd year college agud nga mahatagan sang ligwa ang iya nga showbiz career kag ang pamilya sini.
Kadungan man sini, ginpasalamatan niya ang iya nga mga professors kag mga classmates sa Expanded Tertiary Education Equivalency and Accreditation Program (ETEEAP) bangud sa pagsalig sa iya nga ikasarang kag abilidad.
Nagbubo naman ang pagtamyaw gikan sa mga kaupdanan sini sa showbiz industry.
