Ginpahayag sang Assistant Chief Tanod sa Barangay Tapi, Kabankalan City nga may ginhawa pa si Eumil Francisco sang ila makit-an.
Sa interview sang Bombo Radyo Bacolod kay Edmund Dequito, siya ang gintawagan sang peace and order council nga may ara sila sang responderan.
Ini ang una nga nakaabot sa area apang bangod sa kakampuhan sa palibot kag malayo pa ang balay, naghulat pa sila sang iban nga responder.
Suno diri, may-apat lamang nga mga pamalay sa lugar kag pag-abot nila wala sang mga tawo.
Wala naman ang mga biktima sa balay, kag nakita lamang nila ang mga dugo sa balay.
Ginlibot man nila ang balay, apang wala na sang may nakita nga dugo, tubtob nga matalupangdan sini ang kaangay sang puti nga bayo nga iya ginpasigahan sang flashlight kapin 20 metros gikan sa crime scene.
Sang ginpalapitan ini ang natumod nga si Eumil Francisco nga nagbuno sang kaugalingon.
Nagpangayo pa ini sang bulig antes ginbawian sang kabuhi.
