Nagdangop ang isa ka manunudlo sa Bombo Radyo Bacolod matapos nga madula ang P200,000 gikan sa iya Land Bank ATM matapos ma-SCAM sang magtsekyar sa peke nga Landbank iaccess website.
Sa interview kay Mark Enrique Deoma, science teacher sa Bacolod City National High School, nagwithdraw ini sang P1,700 sa Bacolod Old City Hall apang nagbisyo ang Automated Teller Machine kag wala nagpagwa sang cash.
Kasunod sini nagpauli na lamang si Deoma kag nagdesisyon nga magtsekyar sa Landbank iaccess website sa iya nga laptop.
Suno diri, wala niya natalupangdan nga sala ang website nga iya nasudlan, apang sang siya ang magaregister kuntani agud magsulod sa website, siya ang nakabatun sang One-Time-Pin (OTP).
Pahayag sini, nga siya ang apat ka beses nga nakabatun sang OTP, nga iya man nga ginaregister apang wala man gihapon nagasulod sa website.
Bangod sa siya ang may app man sa Land Bank, ini ang iya gintsekyar apang siya ang nakibot nga apat ka P50,000 na ang nabank transfer sa iban nga account.
Sang gindangop sini sa customer care sang Land Bank, ginpahayag sang mga ini nga sila wala nagapadala sang notification sa bank transfer pinaagi sa Landbank iaccess website indi kaangay sa mobile app.
Ginakwestyon naman ni Deoma kun ngaa wala man lang sang notice nga naglab-ot sa iya nga may successful bank transfer via text message ukon email.
Ginhatag naman sa iya ang account nga ginpadal-an sang kwarta.
Suno sa manunudlo, inkaso nga indi na mabalik ang nadula nga kwarta nga nagdangat sa P200,000 pangabay na lamang sini nga mapasanyog sang Land Bank ang ila security measure.
Dugang pa sini nga sang iya gindangop ang concern, kaangay nga indi na bag-o sa mga personnel sang Land Bank ang issue, apang sila ang nagapagwa lamang sang information campaign kag wala man lang ginpasanyog ang security measure.
Ginakasubo sini nga ang pila ka tuig sini nga sinuptan nga magamit pa kuntani sa importante nga butang, ang basta nalang nga nadula.
Panugyan na lamang sang manunudlo nga kun magwithdraw sang savings, mas maayo nga sa walk-in transaction na lamang ukon indi nalang gid magbutang sang saving sa bangko, kun kaangay nga wala sang seguridad ang kwarta.
