Padayon ang pagsuporta ni Alliance of Concerned Teacher’s (ACT) Partylist Representative Atty Antonio Tinio sa ikatatlo kag ika-apat nga impeachment complaint batok kay Vice President Sara Duterte apisar nga ang pinakauna nga impeachment complaint nga ginpasa nila, nadesisyonan nga i-set aside.
Kahapon ginset aside sang committee on justice ang first impeachment complaint nga ginfile sang Makabayan Coalition sa ginpatigayon nga hearing sa pagdiskusyon sa sufficiency in form kag substance sang complaint.
Sa interview kay Tinio, wala ini nakumporme nga ginset aside ang complaint nga ginpasa nila bangod sa ruling nga naglapaw na sa one-year bar rule ang pag-file.
Suno diri, indi gid man ini dako nga problema para sa ila apang ang mas ginakabalaka sini amo ang tindog sang komitiba kag sang House of Representatives sa rules sang impeachment bangod sa kahadlok sa Supreme Court.
Suno kay Tinio, kun mapabay-an nga ang Korte Suprema ang nagahimo sang rules, mahimo nga wala sang impeachment nga madayon.
Apang, padayon ang suporta sang Makabayan Coalition sa ikatatlo kag ika-apat nga impeachment complaint batok sa bise presidente.
