Australia, South Korea, kag Iran, makasumpong sang Philippine Women’s National Football Team nga Filipinas sa AFC Women’s Asian Cup sa 2026

Natalana nga makasumpong sang Philippine Women’s National Football Team nga Filipinas ang Australia, South Korea, kag Iran sa palaabuton nga AFC Women’s Asian Cup sa Marso 2026.

Ang nasambit nga mga team ang magabug-os sa Group A.

Nahibaluan nga may tatlo ka grupo sa Asian Cup.

Ang top two teams lang sa kada grupo kag duha ka best-ranked third placers ang magaabanse sa knockout round.

Ang Asian Cup ang magaserbe man nga qualifier para sa 2027 FIFA Women’s World Cup.

Sa karon, yara sa no. 41 ang world ranking sang Pilipinas.