Padayon nga ginabulong sa balay-bulungan ang isa ka babayi nga government employee matapos gin-alegar nga maigo sang armas-luthang sa ila balay sa isa ka subdivision sa ciudad sang Bacolod.
Sa interview sang Bombo Radyo Bacolod kay Police Captain Dax Santillan, station commander sang Bacolod Police Station 7, nagresponde sila sa isa ka insidente sa gina-aligar nga naigo sang armas-luthang.
Suno kay Santillan, pag-abot nila sa lugar nakita nila ang babayi nga nagahigda kag gilayon nga gindala sa ospital bangud nakita nga may sinyales nga buhi pa ini.
Suno diri, ang tanan nga angulo ang ila nga gina-imbestigaran nila sa karun apang gina-alegar nga tuyo sang biktima nga utason ang kabuhi sini.
Wala pa ang station commander sang konkreto nga detalye bangud natalana pa nga estoryahon sini ang ginikanan sang biktima kag sa latest update kritikal ang kondisyon sang babayi.
