Babayi nga nagpost sang wala sang kamatuoran sa social media, priso sa ciudad sang Victorias matapos ginserbehan sang warrant of arrests bangud sa kaso nga cyber libel

Ginserbehan sang warrant of arrest ang isa ka babayi bangud sa kaso nga cyber libel sa ciudad sang Victorias, Negros Occidental.

Ginkilala ang arestado kay Maricor Sioson, residente sang Victorias City.

Sa interview sang Bombo Radyo Bacolod kay Police Captain Genus David, Deputy Chief of Police sang Victorias City Police Station, ginpasakaan si Sioson sang kaso nga Cyber Libel sa Pasay, City.

Suno kay David, ang ginpasaka nga kaso batok diri ang may sa ginpost niya online bangud sa isa ka pulitiko.

Suno sa deputy chief, mahimo nga si Siocon ang nagpost sang indi matuod batok sa nasambit nga pulitiko nga nagresulta sa pagpasaka sa iya sang kaso

Mahimo naman makapiyansa ang nadakpan sang P10,000 para sa iya temporaryo nga kahilwayan.