Isa ka Ukranian nga babayi ang gindayaw bangod sa iya nga kaisog, matapos sini ginkompronta ang armado nga suldado sang Russia kag nag-offer diri sang sunflower seeds kadungan sa pahayag nga ini ang mahimo manubo sa tion nga ang suldado ang mapatay.
Ang babayi ang nakuhaan sang camera nga ginapabutyag ang iya nga kaakig kadungan sa pag-invade sang Russia sa Ukraine sang Huwebes, kun sa diin nagsulod sa border ang mga tangke kag nagpatigayon sang air strikes sa mga mayor nga syudad.
Pahayag sang Ukraine nga nagdangat na sa 137 ka casualties sa una nga adlaw sang gyera.
Ang babayi ang makita sa video nga nagapamangkot sa suldado kun sin-o ini kun sa diin ang suldado ang nagsabat nga nagapatigayon sila sang exercises sa lugar kadungan sa pagtabog sa babayi.
Matapos ginpamangkot sang babayi kun Russian ang suldado, kasunod nya man ini nga ginbuyayaw kag ginpamangkot kun nagaano sa Ukraine.
Samtang ginapakalma ini sang suldado, ang akig nga babayi ang nagsinggitan nga ang mga suldado ang “occupants, fascists” kag ginapamangkot sini kun ano ang ginabuhat sa ila nga duta bitbit ang mga armas.
Kasunod na sini nga ginhatag ang sunflower seeds nga ginpanugyan sini nga isulod sa bulsa sang suldado agud nga bisan paano may matubo pa nga sunflower sa tion nga magkalapatay ang mga ini sa gyera.
Ginpilit naman sini nga ihatag ang sunflower seeds nga amo ang national flower sang Ukraine.
Ang video ang ginshare online sang isa ka independent media charity nga nakabase sa Kiev.
Ini ang gilayon naman nga nagviral sa social media kun sa diin nagdangat na sa masobra duha ka milyon ang views, kag nagresulta sang pagbubo sang mga emosyonal nga mga komento.
Ang viral video ang naggwa samtang nagapadayun ang Russian invasion sa ikaduha nga adlaw kun sa diin mabatian ang pagnilupok sa capital nga Kiev.
