Patay ang backrider sang traysikol matapos nga maaksidente sa Purok Tangke, Barangay Pandanon, Murcia, Negros Occidental kaina sang hapon.
Ginkilala ang napatay kay alias Gregorio kag residente sang Purok Santan, Barangay RSB, La Carlota, Negros Occidental samtang pilason naman si AliasEdson, 30 anyos, laborer, single kag residente sang Zone 1, Barangay Singcang Airport, Bacolod City.
Ang driver sang traysikol ang ginkilala kay alias Renz, 28 anyos, single, kag residente sang Purok Santan, Barangay RSB, La Carlota, City, Negros Occidental.
Sa interview sang Bombo Radyo Bacolod kay Police Captain Honey Labaro, station commander sang Murcia Police Station, santo sa inisyal nga imbestigasyon ang traysikol ang nagabiyahe halin sa Don Salvador Benedicto padulong sa banwa sang Murcia apang pag-abot sa lilikuon nadulaan sang control ang driver gani nahulog ang mga ini sa drainage.
Bangud sini ang driver ang nakaangkon sang pilas sa nagkalain lain nga bahin sang lawas ang driver kag duha ka pasahero.
Gilayon ang mga ini nga gindala sa Murcia Health Unit apang si Alyas Gregorio ang gindeklarar nga dead on arrival.
Ginahibalo pa sa karun kun mapasa ang pamilya sang napatay sang kaso sa driver sang traysikol.
