Nagsaka na sa duha ang numero sang patay matapos nga nakabunggo sa truck ang motorsiklo nga ginamaneho sang Criminology graduate sa Hacienda Guikay, Barangay Purisima, Manapla, Negros Occidental sang Hunyo 13 sang kaagahon.
Ini matapos nga nagtaliwan naman ang angkas sa motorsiklo nga isa ka babayi.
Madumduman nga dead on arrival sa ospital ang driver nga si Rolando Moldes III alyas Robot matapos nga nakabunggo sila sa truck nga ila sugata samtang sila ang pabalik sa ciudad sang Cadiz pasado alas-4:00 sang kaagahon.
Sa interview sang Bombo Radyo Bacolod kay Police Captain Marion Vicente Villaflor, deputy chief of police sang Manapla Municipal Police Station, napatay ang backrider kaina sang kaagahon, Hunyo 18, samtang ginabulong sa ospital.
Sa karon, may yara na sang initial settlement sa tunga sang truck driver kag pamilya sang mga biktima.
Nahibaluan nga nagagwa sa imbestigasyon nga gin-agaw sang motorsiklo ang lane sang truck gani sila ang nabungguan.
Si Robot, residente sang Purok Roses, Brgy. Caduha-an, Cadiz City, ang isa ka artist, choreographer kag dancer.
