Nagpanindugan ang presidente sang Bacolod Alliance for Commuters Operators and Drivers Inc. (BACOD) nga wala sila nagpanggamo.
Madumduman nga anom ka driver ang nagpablotter sa Bacolod City Police Station 8 sang Lunes bangud sila ang ginharass sang mga miyembro sang BACOD kag isa ka jeep ang ginpakupusan pa sang royda.
Sa interview sang Bombo Radyo Bacolod kay Rudy Catedral, ginapaintindi lang nila ang iban nga mga drivers nga nagabiyahe nga traditional nga jeepneys nga dapat ugyunan ang ila kawsa bangud para man ini sang tanan.
Suno kay Catedral, tubtob alas 10:00 ang takna sang gab-i ang ila ginpatigayon nga rally protesta agud ipakita nga sala ang Land Transportation Franchising and Regulatory Board (LTFRB) kag alkalde sang Bacolod nga ini ang makaparalyze sa transport bangud sa ginpatigayon nga rally protesta.
Suno pa diri, makita sang mga ini nga mabatyagan ang kakulang sang jeepney units nga nagabiyahe bangud may yara sang mga nagalakat nga pasahero.
