Tinutuyo sang alkalde sang ciudad sang Bacolod nga mahatagan sang mas maayo nga serbisyo ang pumuluyo kasunod sa pagpatindog sang Bacolod City Health Complex.
Kahapon sang udto, ginpatigayon ang ground breaking ceremony sang bag-o nga Bacolod City Health Complex.
Ang 4 storey building ang may budget nga P220 million kag nakaschedule nga matapos sa sulod sang 32 ka bulan.
Suno kay Bacolod City Mayor Alfredo ‘Albee’ Benitez, target sang administrasyon ang pag-address sang health concerns sang ciudad.
Suno diri, iplastar man sa Bacolod City Health Complex ang ginhatag ni First Lady Marie Louise “Liza” Araneta Marcos nga mobile clinic nga plano pa gid nga dugangan.
Kasubong man nga ginalauman ang pagtukod sang super health centers sa ciudad.
Maga-procure man ang ciudad sang dugang nga equipment kag laboratories kasubong man sang additional facilities kag services.
Suno sa alkalde, mas madamo na nga pasyente ang macater kasunod sang pagtukod sang bag-o nga building.
