Wala ginarekomendar sang Bacolod City Health Office ang pag deklarar sang outbreak sang pertussis apisar nga nagsaka sa anom ang kaso sang pertussis nga narecord sang ciudad.
Sa press conference, kahapon, Lunes, ginpahayag ni Bacolod City Health Officer Dr. Ma. Carmela Gensoli, wala sang clustering sang pertussis sa ciudad sang Bacolod.
Ginpisuguro man ni Gensoli nga preparado ang mga hospital sa Bacolod sa sini nga mga kaso.
Padayon man ang pagpanawagan sang City Health Office nga kompletuhon ang bakuna sang mga kabataan agud nga sila ang maproteksyon gikan sa mga balatian.
Ginpahayag man ni Dr. Gensoli, preventable kag curable ang pertussis.
Nadugangan pa sang tatlo ang kumpirmado nga kaso sang pertussis sa ciudad sang Bacolod gani nagsaka sa anum ang kabug-usan nga kaso sang pertussis sa ciudad humalin sang Enero 1 tubtob Abril 6, 2024 nga data sang Bacolod City Health Office.
Santo sa report sang Bacolod City Health Office, nakagwa na sa hospital ang anom ka mga pasyente.
Kalabanan man nga biktima sang pertussis ang mga kabataan nga nagaedad sang lima ka bulan panubo.
Samtang duha naman ka kaso sang balatian ang narecord sa Barangay Tangub samtang tag-isa naman sa Barangay Granada, Handumanan, Taculing, kag Villamonte.
May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.
