Tsekyaron kag irregulate sang Bacolod City Legal Office Enforcement Team ang mga nagabaligya sa kilid sang Bacolod Economic Highway sa Barangay Cabug, Bacolod City
Natalupangdan ang pagdugok ang mga tawo sa nasambitan nga dalan ilabi na nga dyutay lamang ang nagalabay diri, kag manami ang view.
Gani halin alas-5:30 sang hapon tubtob na sa gab-i, nagapunsok man ang madamo nga mga stalls nga nagabaligya sa kilid sang dalan.
Sa interview kay Bacolod City Legal Officer Atty. Romeo Carlos Ting Jr., padayun ang ila nga paghusoy sa mga dalanon sa ciudad sang Bacolod.
Luyag sang mga ini nga maseguro ang safety sang mga manugbakal ilabi na nga sila ang yara sa kilid sang dalan, ilabi na nga gab-i nagaplastar ang nagabaligya.
Tsekyaron nila kun may-ara sang mga business permit, agud maseguro nga safe ang mabakal nga pagkaon.
Ini man ang ila nga ginahimo sa iban pa nga mga dalan sa ciudad kag mga merkado kun sa diin sila ang nakapasirado na sang 14 ka mga establishimento.
Ginapakamaayo man ni Ting nga kalabanan sang ila natsekyar nga wala sang business permit ang nagaproseso naman.
