Ginpahayag ni Senate President Alan Peter Cayetano nga sila ang magapatigayon sang “no holds barred” nga imbestigasyon angot sa insidente sang pagpalupok sang armas sa sulod sang Senado kagab-i, Mayo 13.
Nag-atubang sa media si Cayetano kaupod si DILG Secretary Jonvic Remulla kag mga myembro sang majority bloc halos tatlo ka oras matapos mabatian ang linupok sa ikaduha nga panalgan sang Senado.
May mga report nga nagagwa nga “perceived NBI agents” ang mga nagsulod sa Senado apang wala ini ginkumpirmar ni Cayetano.
Iya lamang ginhingadlan nga “suspek” ang mga responsable sa insidente kag iya ginreport kay Remulla kun sin-o ini, kun ano ang ila panapton, kag kun ano ang ila identidad.
Dugang pa, nagakabalaka ini kun mapamatud-an nga imbolbado ang isa ka ahensya sang gobyerno.
Suno diri, ginpasiguro man ni Pres. Ferdinand Marcos Jr. nga mangin patas ang patigayunon nga imbestigasyon.
