Ginkumpirmar sang Bacolod City Health Office (CHO) ang una nga kaso sang MPox sa ciudad.
Ginpahayag sang City Health Office nga yara sa estable nga kondisyon kag padayon nga ginabulong ang pasyente nga kag padayon nga ginamonitor sa sulod sang isa ka health facility .
Sa karon, nagakoordinar na ang CHO sa Corazon Locsin Montelibano Memorial Regional Hospital (CLMMRH) sa pagpatuman sa protocols agud nga ma-manage ang sitwasyon kag masiguro ang public safety.
Nagpasalig naman ang Bacolod City Government nga ang tanan nga kinahanglanon nga tikang yara sa lugar kag nagapadayon ang ila koordinasyon sa national health authorities para sa epektibo nga pag-manage sa sitwasyon.
Gina-abisuhan sang CHO ang publiko nga magpabilin nga kalmado, mag-practice sang proper hygiene, mag-obserbar sang health protocols, kag gilayon nga magpakonsulta kun may nabatyagan na nga sintomas.
Gina-discourage sang city government ang ano man nga sahi sang diskriminasyon batok sa mga pasyente kag pamilya sang mga ini.
