Bacolod City Mayor Albee Benitez, nagpaandam sa mga traditional jeepney drivers kag operators nga nagapanggamo

Nagpaaandam si Bacolod City Mayor Alfredo ‘Albee’ Benitez sa mga traditional jeepney dirvers kag operators nga sila ang arestohon kun sila ang nagalapas sa layi samtang nagapatigayon sang rally.

Ini ang kasunod sang nagluntad nga kinagamo sa rally sang Bacolod Alliance for Commuters Operators and Drivers Inc. (BACOD) sa old airport sa Barangay Singcang sang Lunes.

Suno sa alkalde, may yara sang insakto nga pamaagi sa pagpatigayon sang protesta kag pagpakigbato sang ila nga kawsa.

Naghatag na ini sang instruction sa kapulisan para arestuhon ang mga nagabayolar sa layi.

Pahayag ni Benitez, ang mga biktima sang pagpangharass sang mga nagrally nga dirvers kag operators ang mapasaka sang kaso batok sa mga suspetsado.