Nakighinun-anon ang alkalde sang ciudad sang Bacolod sa tiglikom sang Department of Social Welfare and Development (DSWD) agud nga malakip ang mga nalista kag gin-validate sang ciudad para sa pagahatagan sang ayuda.
Suno kay Dr. Ritchelle Verdeprado-Mangga, pinuno sang Bacolod Department Of Social Services & Development, ang ginabasehan sang mahatagan sang ayuda amo ang listahan gikan sa central office sang Land Transportation Franchising and Regulatory Board (LTFRB).
Suno kay Verdeprado-Mangga, nalakip sa listahan ang 2,111 drivers kag ini ang ikumparar sa listahan sang LTFRB central office agud nga masiguro nga wala sang duplication.
Nagalaom ini nga ma-grant ang ginhingyo sang ciudad nga malakip ang mga nalista sa listahan nga ginvalidate sang ciudad nga mahatagan sang fuel subsidy.
Dugang pa sini, ang nakalista sa validated list sang ciudad ang ginabug-usan sang nagkalain-lain nga mga drivers.
Ginpahayag man sini nga sila ang nakabaton sang inisyal nga impormasyon nga ang masunod nga mahatagan sang cash assistance kag ginalantaw nga ma-schedule sa masunod nga semana nga mapanagtagan amo ang taxi drivers.
Ang basehan sang beneficiaries ang listahan sang LTFRB central office.
Samtang ang mga Transport Network Vehicle Service (TNVS) naman ang companies na ang magapasa sang requirements.
Nagalaom ini nga pamatian sang ahensya ang gina-apelar sang ciudad nga ang listahan nga gin-validate ang gamiton para sa beneficiaries agud nga updated.
