Ginpasalig ni Bacolod City Mayor Greg Gasataya nga ginabantayan sang ciudad ang mga area nga masami nga ginabaha kaangay sa Mandalagan River kag sa sapa sa likod sang Prk Carvic sa Brgy Mandalagan, kun sa diin yara sa normal ang namonitor nga water level.
Apang bangod sa malain nga tiyempo, suspendido ang mga dredging activities agud malikawan ang disgrasya.
Ginbantayan man nila ang water level sa mga waterways partikular na sa tion sang taob alas-7:00 subong nga aga.
Sa pihak sini padayun naman ang pagcheck sa mga water inlets sang City Engineer’s Office.
Panugyan ni Mayor Greg sa mga Bacolodnon nga sa tion sang emerhensya, magcontact lamang sa mga hotlines sang Bacolod City Disaster Risk Reduction and Management Office kasubong man sa iban nga mga volunteer groups.
