Ginpasalig ni Bacolod City Police Office (BCPO) Director Police Col. Noel Aliño nga sila ang nakaplastar na sang security plan sa pagbisita ni President Ferdinand “Bongbong” Marcos Jr. sa Lunes.
Si Presidente Marcos ang natalana nga magtambong sa pila ka mga aktibidad nga ginalakipan sang apat sa ciudad sang Bacolod kag isa sa Bago City.
Nalakip sa pagatambongan sang presidente amo ang pagbisita sa mga transmission line sa Bacolod Substation may kaangtanan sa tinutuyo nga mahatag ang tayuyon kag bastante nga supply sang kuryente, kaangay sa Cebu-Negros-Panay 230 kilovolt backbone project; kasubong man ang pagpanagtag sang land title kag support services sa ciudad sang Bago.
Suno kay Aliño, sila ang magadepende sa mandato nga ipanaog sa ila, apang kompleto na ang ila preparasyon kag ginhandaan na ang tanan nga security package nga mahimo kinahanglanon sang Presidential Security Group (PSG).
