Ginakonsiderar sa karun sang city government sang Bacolod nga magbutang sang private security guards sa Bacolod City Public Plaza.
Madumduman nga ang public plaza ang ginrenovate kag ini ang ginpondohan sang Tourism Infrastructure and Enterprise Zone Authority (TIEZA.
Sa interview sang Bombo Radyo Bacolod kay Atty. Mark Steven Mayo, Bacolod City Administrator, magameeting sila liwat agud maestoryahan ang pagbutang sang private security guards sa plaza kag sa iban pa kaangay sang patyo bangud madamo sila sang report nga nabaton nga may mga ginahimo ini nga lugar sa paghimo sang kamala-malahan.
Suno kay Mayo, may yara na sa karun sang gina-deploy nga POSO personnel apang kun marenovate nagid ginatun-an sang ciudad ang pagdeploy sang private security guards agud magdugang bantay sa area kalakip na ang mga public cemeteries.
