Gin-athag sang station commander sang Bacolod Police Station 1 nga indi holdup kundi theft case lamang ang natabo sa law office sa atubang sang Negros Cyber Center.
Nahibaluan nga may isa ka lalaki nga nagpakilala nga delivery rider kag nagsulod sa opisina.
Ini ang may ginpangita nga persona sa legal staff kag nagpahayag nga may balayran pa nga balor P10,000 nga parcel.
Kasunod sini kaangay nga may gintaya ang suspect, apang wala matumod kun ano bangod ini ang natabunan.
Didto na ini nagpang-ukay kalakip na sa mga bag sang abogado kun sa diin nabutang ang mga gadgets lakip na ang laptop.
Wala man sang suspect gintandog ang gadgets, sa baylo ginkuha sini ang P2,500 nga nakita sa drawer.
Ginpangita man sang suspect ang itom nga envelope nga gina-alegar masami dala sang staff.
Sa interview sang Bombo Radyo Bacolod kay Police Major Elmer Bonilla, indi makabig nga hold-up incident ang hitabo bangod wala man sang nakita nga gintaya nga armas luthang ukon ano man nga matalom nga bagay.
Sa baylo ini ang makabig lamang nga kaso sang pagpangawat.
Sa karun wala pa matumod ang identity sang suspect bangod ini ang may tabon sa nawong.
