Wala pa sang ibulos sa ginlay off nga mga personnel sang Bacolod Traffic Authority Office (BTAO).
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr., aminado ini nga may yara sang matraffic nga lugar bangud nagasugod nagid man ang klase apang aminado man ini nga wala pa sang ibulos sa ginlay off BTAO personnel.
Suno kay Ting ang masami nga nagatraffic bangud sa pagbukas sang klase amo ang bahin sang La Salle kag Libertad Market
Suno diri, ginapaassess niya ang matraffic nga lugar nga nagabug-at ang dalagan sang trapiko agud nga maaugment ang mga traffic enforcers.
Ginaplastar pa man sini ang manning sang mga traffic personnel bangud wala pa ini makalibot sa ciudad agud nga makita ang sitwasyon sa dalagan sang trapiko.
Samtang, ginpahayag man sini nga ang mga ginpanglay-off nga personnel ang may yara na nga daan nga complaints nga nagapangdakop lamang sila nga wala sang inisyal violation kag ang nasulat sa drivers license ang driving without license
Suno kay Ting dapat antes nga dakpon ang motorista siguruhon anay nga may initial violation kag nga gilayon nga pagparahan kag pangitaon sang drivers license kag ORCR.
