BACOLOD CITY — Ginhilway na temporaryo ang ginatudlo nga bagman sang Berya Drug Group nga si Ricky Serenio.
Santo sa kumpirmasyon ni Police Senior Inspector Alfred de Leon, hepe sang Pulupandan Municipal Police Station nga amo ang naghatag sang protective custody, si Serenio ang nagbayad sang bail sa kaso sini nga illegal possession of explosives.
Nahibaluan nga una na nga nakapyansa si Serenio sa kaso nga grave coercion kag illegal possession of firearms.
Suno kay de Leon, si Serenio ang ginpahanugutan sang RTC Branch 54 nga makapyansa sa balor nga 400 mil pesos.
Ini ang kasunod sang manifestation sang Philippine National Police nga indi na maglupok ang granada nga narekober kay Serenio bangud wala sang polbora.
Ang bagman sang Berya Drug Group ang ginhilway sang Pulupundan Municipal Police Station sang Hwebes sang udto apang nagapabilin pa ini sa karun sa banwa sang Pulupundan.
