May gamay nga pagbaskog sa Tropical Depression ADA samtang ini ang yara sa Philippine Sea sa nasidlangan sang Mindanao.
Ang sentro sang Bagyo ang ulihi nga nasiplatan sa 385 km sa East Northeast sang Hinatuan, Surigao del Sur ukon 465 km sa nasidlangan sang Surigao City, Surigao del Norte.
Dala sini ang kabaskugon sang hangin nga nagadangat sa 55 km/h kag pagmadlos nga tubtob sa 70 km/h, samtang nagahulag padulong sa nakatungdan nga dereksyon sa kadasigon nga 20 km/h.
Sa karun, napaidalom na sa Tropical Cyclone Wind SIGNAL NO. 1 ang pila ka mga lugar:
LUZON
-Sorsogon, kag
-Nabagatnan-nasidlangan nga bahin sang Albay
VISAYAS
-Northern Samar
-Samar
-Eastern Samar
-Eastern portion sang Biliran
-Eastern portion sang Leyte, kag
-Eastern portion of Southern Leyte
MINDANAO
-Dinagat Islands
-Surigao del Norte, kag
-Surigao del Sur
Ang Bagyo ADA ang ginalauman nga magahulag sa naaminhan-nakatungdan nga dereksyon humalin subong nga adlaw tubtob sa Domingo antes magliko sa North Northeastward nga dereksyon sa Lunes.
Ginalantaw nga magalabay malapit sa Eastern Samar kag Northern Samar sa Biyernes ukon sa Sabado sang kaagahon antes magpadulong sa Catanduanes sa Domingo sang aga.
Apang wala man ginadula ang posibilidad nga magliko pa sa nakatungdan nga dereksyon ang Bagyo kag maglandfall sa Eastern Visayas kag Bicol Region.
Ginalantaw nga magasanyog sa Tropical Storm ang Bagyo ADA subong nga adlaw, samtang ini ang amat-amat pa nga magabaskog samtang yara sa Philippine Sea.
