Nagbaskog pa ang Bagyo Kristine kag karun yara na sa Tropical Storm category.
Alas-5:00 subong nga aga, ang sentro sang mata sang bagyo ang ulihi nga nasiplatan 390 km East sang Virac, Catanduanes.
Ini ang nagadala sang hangin nga may kabaskugon nga nagadangat sa 65 km/h kag pagmadlos nga tubtob 80 km/h.
Ang Tropical Storm “KRISTINE” ang padayun nga nagahulag sa nakatungdan nga dereksyon sa kadasigon nga 15 km/h.
Napaidalom sa Tropical Cyclone Wind Signal no. 1 ang eastern kag central portions sang mainland Cagayan, Isabela, Quirino, nabagatnan nga bahin sang Nueva Vizcaya, Aurora, nasidlangan nga bahin sang Rizal, nasidlangan nga bahin sang Laguna, naaminhan kag nasidlangan nga bahin sang Quezon kalakip na ang Polillo Islands, Marinduque, Romblon, Camarines Norte, Camarines Sur, Catanduanes, Albay, Sorsogon, kag Masbate kalakip na ang Ticao Island kag Burias Island sa bahin sang Luzon.
Sa Visayas, signal no. 1 man sa Eastern Samar, Northern Samar, Samar, Leyte, Biliran, kag Southern Leyte; kasubong man ang Dinagat Islands kag Surigao del Norte kalakip ang Siargao – Bucas Grande Group sa Mindanao.
Lauman ang maulanon nga panahon nga may kaupod nga mabaskog nga huyop sang hangin partikular na sa Bicol Region, Eastern Visayas, Isabela, Quirino, Aurora, kag Quezon tuga sang Tropical Storm “KRISTINE”.
Mangin maulanon man ang panahon sa Metro Manila, nabilin nga bahin sang Luzon, Visayas, Zamboanga Peninsula, Northern Mindanao, Basilan, Sulu, kag Tawi-Tawi bangod sa Trough ukon ikog sang bagyo.
Samtang mangin makanay naman ang panahon sa nabilin nga bahin sang Mindanao apisar nga may gamay nga epekto sang Trough sang Tropical Storm “KRISTINE”.
Ang bagyo ang ginalantaw nga magahulat northwestward tubtob west northwestward tubtob sa Huwebes antes magliko sa nakatungdan nga dereksyon.
Ini ang ginalauman nga magalandfall sa Isabela bwas sa gab-i kag mahimo maggwa sa Philippine Area of Responsibility sa Biyernes sang gab-i.
Apang ini ang mahimo pa magbag-o hinali maglain ang hulag sang bagyo.
Ang Bagyo “KRISTINE” ang ginalauman nga mapabilin bilang Tropical Storm sa masunod nga 24 oras, apang ini ang mahimo magsaka sa severe tropical storm category bwas antes ang paglandfall sa Isabela.
