Mas nagbaskog pa ang Bagyo OFEL kag nagdangat na sa Super Typhoon category.
Ang sentro sang mata sang bagyo ang ulihi nga nasiplatan sa 215 km East sang Echague, Isabela.
Ini ang nagadala sang hangin nga may kabaskugon nga nagadangat sa 165 km/h kag pagmadlos nga tubtob 205 km/h samtang ini ang nagahulag sa West Northwestward nga dereksyon sa kadasigon nga 30 km/h.
Ginpaidalom na sa Tropical Cyclone Wind Signal no. 4 ang northeastern portion sang mainland Cagayan partikular na sa banwa sang Santa Ana, Gonzaga, kag Santa Teresita.
Samtang Signal No. 3 naman sa northwestern, central, kag eastern portions sang mainland Cagayan kalakip ang Babuyan Islands, northeastern portion sang Isabela, kag northern portion sang Apayao.
Signal No. 2 sa Batanes, nabilin nga bahin sang Cagayan, northwestern kag southeastern portions sang Isabela, nabilin nga bahin sang Apayao,northern portion sang Kalinga, northeastern portion sang Abra, kasubong man sa northern kag central portions sang Ilocos Norte.
Signal No. 1 naman sa nabilin nga bahin sang Isabela, Quirino, Nueva Vizcaya, nabilin nga bahin sang Abra, nabilin nga bahin sang Kalinga, Mountain Province, Ifugao, northern portion sang Benguet, nabilin nga bahin sang Ilocos Norte, Ilocos Sur, northern portion sang La Union, kasubong man sa northern kag central portions sang Aurora.
Ang Typhoon OFEL ang ginalantaw nga magahulag sa northwestward nga dereksyon sa Philippine Sea antes maglandfall sa eastern coast sang Cagayan ukopn northern Isabela karun sa hapon.
Ini ang magalapos sa Babuyan Channel karun sa gab-i kag ginalantaw nga malandfall ukon magalabay malapit sa Babuyan Islands.
Ini ang sunod nga magaliko sa north northwestward tubtob north northeastward sa kadagatan sa nakatungdan sang Batanes bwas antes magliko sa northeastward sumugod sa Sabado sa kadagatan sang Taiwan padulong sa Ryukyu Islands.
Sa pihak nga bahin, alas-4:00 kaina sang kaagahon ang Tropical Storm TORAJI nga anay ginkilala nga Bagyo NIKA ang yara na sa 750 km West sang Itbayat, Batanes sa gwa sang Philippine Area of Responsibility.
Ini ang nagadala sang hangin nga nagadangat sa kabaskugon nga 65 km/h kag pagmadlos nga tubtob 80 km/h samtang nagahulag padulong sa Northwestward nga dereksyon sa kadasigon nga 25 kim/h.
Sa pihak nga bahin, ang Tropical Storm MAN-YI sa gwa sang Philippine Area of Responsibility ang ulihi nga nasiplatan sa 1,525 km East sang Eastern Visayas.
Ini ang nagadala sang hangin nga may kabaskugon nga 85 km/h kag pagmadlos nga tubtob 105 km/h samtang nagahulag sa nakatungdan nga dereksyon sa kadasigon nga 30 km/h.
