Ginbawian sang kabuhi ang 36 anyos nga lalaki nga ginluthang samtang sakay sa motorsiklo sa Palanca Road, Brgy. 13, Bacolod City pasado alas-9:00 kagab-i.// Ang biktima ang ginkilala nga si Jonel Besaña, 36 anyos, residente sang Purok Talaba, Barangay Singcang Airport, Bacolod City.// Sa interview sang Bombo Radyo Bacolod kay Police Captain Efren Legada, officer-in-charge sang Bacolod Police Station 1 gikan ang biktima sa Brgy. 35 kag padulong ini sa dalan Palanca agud sugaton ang iya nga asawa nga nagatrabaho sa isa ka mall.// Ini ang ginsundan sang tatlo ka suspect nga sakay sa duha ka motorsiklo, gintupungan, kag hinali nga ginluthang sang gina-alegar makalima ka beses sang backrider.// Gindala pa sa ospital ang biktima, apang ginbawian sang kabuhi alas-11:31 kagab-i.// Ang biktima ang nag-agom sang igo sang bala sa tangkugo kag nawala nga bahin sang agtang.// Gintughongan naman sang dugo ang biktima, apang wala gid matabangan.// May-ara na sila sang tatlo ka persons of interest kag sa karun nagatipon na lamang sang kongreto nga ebidensya kag CCTV footage agud maseguro kun ang mga ini gid man ang may kahimuan sa krimen.// Ini ang ginalakipan sang gunman nga backrider kag sang duha ka driver sang motorsiklo nga nagserbe man nga lookout.// Sa pag-usisa sa mga kakilala kag himata sang biktima, ini ang wala sang bisyo, apang may-ara sang daan nga hiligut-anon sa persons of interest.// Ang biktima ang anay electrician, apang sa karun yara lamang sa ila balay kag nagadul-ong dul-ong sa iya mga hinablos sa pag-eskwela.// Wala man ini sang record sang krimen ukon reklamo sa kapulisan.// Panugyan ni Legada sa pamilya nga magfile sang kaso sa tion nga maproseso kag makatipon na sang nagakaigo nga ebidensya batok sa suspetsado.//// VC: POLICE CAPTAIN EFREN LEGADA, OFFICER IN CHARGE SANG BACOLOD POLICE STATION 1
