Padayon pa nga ginaimbestigaran sang Sipalay City Police Station ang pagransak sa balaligyaan sang motor sa Barangay Mambaroto, Sipalay City sang Enero 18,2020.
Sa interview sang Bombo Radyo kay Police Major James Latayon, hepe sang Sipalay City Police, ginpahayag sini nga nakibot lamang ang branch controller nga ginrungkab na ang backdoor sang opisina kag nadula na ang P39,500 nga inugrenew kuntani sang ila business permit kag duha ka unit sang cellphones.
Suno pa sa hepe, mabudlay ang nahamtangan sang opisina bangud wala sang suga kag wala sang CCTV gani mahapos nga kawatan.
Ginalantaw man sang hepe nga ini ang una nga kahigayunan nga may makawatan sa lugar.
Padayon pa nga ginatumod sang Sipalay City Police Station ang may kahimuan sang krimen.
