BACOLOD CITY — Ginabulubanta nga kapin isa ka milyon ka pesos ang halit nga gintuga sang sunog sa balay sang pamilya Navarro sa Block 28, Lot 7, Carmela Valley Homes sa ciudad sang Talisay, Miyerkules sang hapon.
Ini ang pahayag ni Senior Fire Officer 2 Marvy June Tolosa, duty investigator sang Bureau of Fire Protection (BFP) Talisay City.
Santo sa imbestigasyon, nabilin nga nakasaksak nga desk fan sa masters bedroom sang balay nga ginapanag-iyahan ni Melinia Navarro sang Block 28, Lot 7 Carmela Valley Homes.
Partially damaged lang ang balay apang nagkalasunog ang mga kahoy nga parte sini.
Suno kay SFO2 Tolosa, nagdangat sa kapin ukon sobra isa ka milyon ka pesos ang halit sang sunod bangud magluwas sa kagamitan nagkalasunog man ang pila ka mga alahas sang paminya.
Nahibaluan nga wala sang tawo ang nasambit nga puluy-an sang ini ang nasunog.
