Magaatubang si Alexandra “Alex” Eala batok kay Mirra Andreeva sa Macau Tennis Masters subong nga semana sa Macau.
Ang 18-anyos nga si Andreeva ang karun World rank No. 9 kag nakakuha na sang duha ka World Tennis Association (WTA) titles sa sini nga tuig, nga ginalakipan sang Dubai Tennis Championships sang Pebrero kag ang Indian Wells Open sang Marso nga pareho nga WTA 1000 events.
Santo sa website sang event, ang Russian Star ang magaatubang kay Eala sa women’s singles match sa Domingo.
Maga-compete man si Eala sa mixed doubles event sa Sabado upod si Juncheng Shang batok nanday Andreeva kag Wu Yibing.
Ang MGM Macau Tennis Masters ang isa ka exhibition tournament nga magahighlight sang historic season ni Eala, ini ang iya pagkasulod sa WTA Top 100, iya una nga Grand Slam main-draw victory, iya WTA 125 title sa Guadalajara kag ang iya una nga gold medal sa Southeast Asian Games.
