Balor P28.56 million nga suspected shabu, narecover sa 36 anyos nga babayi sa Brgy 31, Bacolod City

Nakumpiskar ang masobra P28.56 million nga balor sang ginaalegar shabu sa ginpatigayon nga drug buybust operation sa Purok Fatima, Islamic Center, Brgy. 31, Bacolod City kagab-i, Mayo 19.

Arestado sa operasyon ang isa ka 36-anyos nga babayi nga ginkilala nga si alyas “Riza” ukon “Bong”, residente sang nasambit nga lugar.

Narekober ang pito ka sachet kag lima ka plastic bag nga nagaunod sang ginapatihan shabu nga may kabug-aton nga 4,200 grams, buy-bust money nga nagabalor P7,000 kag iban pa nga non-drug items.

Sa karon, nakahunong ang suspek sa Bacolod Police Station 6 para sa dokumentasyon samtang ginpaidalom naman sa laboratory examination ang mga nakumpiskar nga ebidensya.