Balor P3.4 million nga suspected shabu, narecover sa 56 anyos nga lalaki sa banwa sang Bacong, Negros Oriental

Nagadangat sa P3.4 million ang balor sang suspected shabu nga nakumpiskar sa 56 anyos nga lalaki sa Purok 4, Barangay San Miguel, Bacong, Negros Oriental, kahapon.

Ang suspetsado ang ginkilala nga si alias “Cyrel,” kasado, kag residente sang Barangay Poblacion, Sta. Catalina, Negros Oriental.

Narekober kay alias “Cyrel” ang isa ka medium sized heat-sealed transparent plastic sachet sang suspected shabu kag lima ka large-sized heat-sealed transparent plastic sachet sang suspected shabu.

Ginabanta nga nagabug-at sang 500 grams ang narekober nga suspected shabu nga may Standard Drug Price nga P3,400,000.