Nagabalor sang kapin P5 million ang smuggled cigarettes nga nakumpiskar sa puerto sa Brgy. Looc, Dumaguete City, Negros Oriental sang Miyerkules, alas- 6:04 sang aga antes ini mabyahe padulong sa Siquijor.
Sa interview sang Bombo Radyo Bacolod kay Lt. Junior Grade Ronnielyn Lapitan, natigayon nga ma-intercept sang PCG ang isa ka truck nga may karga nga 50 ka master cases sang smuggled cigarettes kag mga ukay-ukay.
Suno diri, ang driver kag duha ka pahinante sang truck nagpahayag nga ginsugo lamang sila bangod nagatrabaho sila bilang transport for hire kag ini pa lamang ang una nga kahigayunan nga may transaction sila padulong sa Siquijor.
Suno kay Lapitan, nagpasalig man ang tranport services nga mahatag sila sang dokumento nga makasuporta nga sila ginkuha lamang para magtransport sang item.
