Nakumpiskar sang Philippine National Police (PNP) ang masobra P1.224 million nga balor sang illegal nga palupok sa mga ginpatigayon nga operasyon sini sa bilog nga Pilipinas.
Naglab-ot sa 79,953 ka mga illegal nga palupok nga nagabalor sang P1.224 million ang ila nakumpiskar halin kahapon Disyembre 28.
Ang mga ini ang nakumpiskar gikan sa mga pampubliko nga balaligyaan, mga nagabaligya sa kilid sang dalan kag mga checkpoint nga ginapatigayon sang kapulisan bag-o ang pagsug-alaw sang bag-ong tuig.
Suno kay PNP acting chief Lieutenant Jose Melencio Nartatez Jr. ang mga nakumpiskar ang ila pagahuluman sa tubig santo sa panugyan sang Bureau of Fire Protection (BFP) agud nga indi na magamit.
Ang ini nga operasyon ang ginapatigayon agud mabuhinan ang posible aksidente nga matabo may kaangtanan sa illegal firecrackers.
Nagbutang na ang mga Local Government Units sang 765 firecracker zones sa bilog nga pugsod nga ginabantayan naman sang 1,655 ka mga police personnel.
