Ginpahalin sang Nationalist People’s Coalition (NPC) si Bamban Mayor Alice Guo sa partido antes ang 2025 midterms elections, kun sa diin ang ginaangot nga alkalde sa illegal gambling operations ang ginalauman nga magpapili para sa re-election.
Ginbaton ni NPC Chairman Vicente Sotto III ang rekomendasyon ni Tarlac Governor kag NPC provincial chairperson Susan Yap nga huksan si Guo sang membership bangud wala ini nakapresentar sang nagakaigo nga ebidensya nga magadisprove sang ginaalegar kaangtanan sini sa illegal gambling operations sa Bamban.
Suno kay Sotto, indi pag-itolerar sang NPC ang maskin anu nga wala nasanto sa layi nga mga tikang sang mga miyembro nga magapanubo sang prinsipyo sang partido.
Gani suno diri, pagkatapos ang konsultasyon kaupod ang mga miyembro kag pinuno sang partido kag sa ila man pagkonsiderar sang charges kag nagapadayon nga imbestigasyon batok kay Mayor Guo, ginamando sini ang paghukas sang alkalde nagikan sang Nationalist People’s Coalition.
