Nasapwan sang tropa sang Israel ang bangkay sang anum ka mga hostages sa isa ka tunnel sa Gaza samtang isa naman ka “shooting attack” ang nagluntad sa West Bank kun sa diin tatlo ka mga officers ang nagkalamatay.
Kahapon, ginpatigayon ang isa ka “humanitarian pauses” sa malapit onse ka bulan nga gyera sa tunga sang Israel kag Hamas agud mafacilitate ang isa ka massive polio vaccination drive.
Sa statement sang militar, ang bangkay sang anum ka mga hostages ang narecover sang Sabado nagikan sa isa ka underground tunnel sa area sang Rafah sa southern Gaza kag pormal nga gintumod sa Israel.
Ang nasambit nga mga hostages amu sanday Carmel Gat nga nakuha nagikan sa isa ka kibbutz community malapit sa border sang Gaza kag sanday Hersh Goldberg-Polin, Eden Yerushalmi, Almog Sarusi, Ori Danino, samtang si Alexander Lobanov ang isa naman ka dual Russian-Israeli national nga ginkuha sang mga Palestinian militants sa site sang festival.
