Ginkompirmar sang Punong Barangay sang Barangay 18, Bacolod City nga may yara na sila sang mga inisyal nga listahan sang mga residente nga maga-avail sang COVID-19 vaccine santo sa ginmando sang Department of the Interior and Local Government (DILG) nga mapreparar na ang tanan nga mga barangay sang listahan sang mga residente nga iprayoridad nga makabaton sang COVID-19 vaccines.
Sa interview sang Bombo Radyo Bacolod kay Punong Barangay Madeline Diaz, ginpahayag sini nga nakaumpisa na sila sa pagpanglista sang maavail sang vaccine, kasunod sang pahayag ni Undersecretary for Barangay Affairs nga si Martin Diño.
Ginpahayag man sini nga may yara sang indi mag-avail apang ginpalista man sini agud nga matumod nila kun pila ka mga tawo ang maavail kag indi.
Wala pa man sang lugar kun sa diin patigayunon ang paghatag sang vaccine.
Suno kay Diaz, indi pa sini mahatag ang numero sang nakapalista na bangud wala pa sini naconsolidate kag ginazoning man sini ang pagpanglista.
Natalana man nga ilobby nila ang problema sa mga borders kag transients sa pag-avail sang vaccine.
Nagpangabay man ini sa mga pumuluyo nga indi magkahadlok sa bakuna sabaylo mas mahadlok sa coronavirus.
