Nagpaathag ang aktres nga si Barbie Imperial may kaangtanan sang iya sponsored post matapos madamo sang netizens nga nagkomento nga gina-sunod sini si Sarah Lahbati, ang anay asawa sang iya nobyo nga si Richard Gutierrez.
Sang nakaligad nga Martes, ginpakigbahin ni Barbie sa iya Facebook page ang laragway katupad ang iya luxury car nga may caption nga “big toy for a small girl.”
May pila ka mga netizens ang nag-comment nga gina-sunod sini ang social media content ni Lahbati.
Matapos makabaton sang madamo nga komento kag akusasyon, gilayon naman nga ginpaathag ni Barbie nga ang nasambit nga post ang naka-schedule na bilang kabahin sang isa ka brand collaboration.
Pahayag sang actress nga ang iya Lc250 nga salakyan ang gin-shoot sang nakaligad pa nga bulan kag ginsugo siya nga i-post ang picture sini nga semana.
Dugang pa sini, allowed siya nga mag-post sang iya car sponsorship kag naghambal sa comment nga “wag issue”.
Ginkumpirmar nanday Barbie kag Richard ang ila nga relasyon sang Enero matapos ang pila ka bulan nga espekulasyon.
Ginklaro man ni Barbie nga maayu ang ila nga relasyon ni Lahbati kag indi siya ang rason sa pagbulaganay sang duha.
