Ginalantaw sang Basketball Coach nga dako ang tyansa nga Oklahoma City Thunder kag Indiana Pacers amo ang magasampok sa National Basketball Association (NBA) finals.
Sa interview sang Bombo Radyo Bacolod kay Coach Leo Ceralbo, wala ginalauman ang mga team nga nagsulod sa karun sa conference finals.
Nahibaluan nga nagasambuwa ang Oklahoma City Thunders kag Minnesota Timberwolves sa Western Conference Finals, samtang Indiana Pacers naman kag New York Knicks ang sa Eastern Conference Finals.
Sa karun may 2-0 lead na ang Thunders batok sa Timberwolves samtang may 2-0 lead man ang Pacers batok sa Knick.
Suno kay Ceralbo maayo ang build up sang team sang mga ini bangod may mix sang mga lamharon nga players.
Pahayag sini nga indi dapat nga magsalig lamang sa mga key players bangod kinahanglan man ang young players sa hampang ilabi na ang ila resistensya.
